LLAWLYFR -  Y  PYNCIAU      

   Y Pynciau Craidd                 Y Pynciau Sylfaen

        Cymraeg                                                  Hanes

Saesneg (Adran Iau yn unig)                     Daearyddiaeth   

Mathemateg                                             Cerddoriaeth

        Gwyddoniaeth                                         Technoleg

                                                                       Technoleg Gwybodaeth

                                                                      Ymarfer Corff

                                                                       Celf a Chrefft

Byddant hefyd yn cael gwersi Addysg Grefyddol a Gwasanaeth Boreol.

Canolbwyntir ar y pynciau craidd yn ystod y boreau a dysgir hwy fel pynciau.
Dysgir yr holl bynciau sylfaenol fel pynciau unigol, a gwneir y gwaith hyn bob
prynhawn.

Bydd Adran y Plant Bach yn cael eu haddysg yn gyfan drwy'r Gymraeg.
Cyflwynir Saesneg yn yr Adran Iau ym Mlwyddyn 3.

Gosodir y plant mewn dosbarthiadau yn ôl eu hoedran. O fewn y dosbarthiadauhyn, gosodir y plant mewn grwpiau gan yr athrawon. Gall y grwpiau hyn fod yn grwpiau o ffrindiau, grwpiau gallu cymysg neu yn grwpiau o fewn gallu. Yn aml iawn bydd y grwpiau'n cael eu newid yn ystod y dydd yn ôl y gwaith a gyflawnir h.y. gall y plant gael eu gosod mewn grwpiau o fewn gallu ar gyfer y pynciau craidd ac mewn grwpiau cymysg ar gyfer gwaith pwnc sylfaenol.

ANGHENION ADDYSG ARBENNIG
Mae trefniadau ar gyfer plant sydd ag anghenion addysg arbennig yn yr ysgol.
Pan fyddwn yn teimlo fod plentyn yn ei chael yn anodd i wneud cynnydd yn ei
waith/gwaith ac fod posibilrwydd fod ganddo/ganddi anghenion addysgol arbennig, bydd athro/athrawes y dosbarth yn trafod y problemau gyda SENCO yr ysgol a'r Prifathro. Byddwn yn rhoi gwybod i chi ac yn galw'r Seicolegydd i'rysgol i brofi gallu'r plentyn ac i roi arweiniad i ni ynglyn â'r dulliau gorau ar ei gyfer. Yna byddwn yn creu rhaglen waith unigol wedi ei selio ar brif wendidau'r plentyn boed nhw'n ieithyddol neu rifol a bydd y plentyn yn dilyn y rhaglen hon o fewn ei ddosbarth cyffredin. Bydd yn dilyn yr un gwaith a phawb arall y gweddill o'r amser. Byddwn yn monitro'r sefyllfa'n agos a byddwn yn cynnal cyfarfodydd tymhorol gyda'r rhieni i drafod y cynnydd.

Pan fo plant yn cael trafferth gyda'u darllen, byddant yn derbyn gwersi darllen
ychwanegol bedwar sesiwn yr wythnos.